Umusore witwa Nshimiyimana Cassien wari utuye ku Gisozi mu Mujyi wa Kigali yasanzwe yapfuye anagana mu mugozi, kuri uyu wa Kane, Polisi itangaza ko yaba yiyahuye.
Umuvugizi wa Polisi mu Mujyi wa Kigali, SP Emmanuel Hitayezu, yatangarije IGIHE dukesha iyi nkuru ko nubwo iperereza rigikomeje, nta kiragaragaza ko yaba yishwe .
Yagize ati “Uwo muntu tuzi ko yitabye Imana, amakuru dufite ni uko yimanitse, bamusanze mu mugozi yimanitse, nta kintu kigaragaza ko yishwe. Iperereza riracyakomeza ntabwo turamenye icyabiteye.”
Uyu musore wari utuye mu Mujyi wa Kigali bivugwa ko yari Umucikacumu ukomoka mu Karere ka Musanze.
Ifoto y’umusore iri kuzenguruka ku mbuga nkoranyamabaga bikekwa ko yiyahuye
