Vanessa Mdee umwe mu bahanzi kazi bari kwerekana imbaraga mu muziki mu gihugu cya Tanzania yatawe muri yombi aho akurikiranweho icuruzwa ndetse n’ikoreshwa ry’ibiyobyabwenge.
Vanessa Mdee w’imyaka 28 usigaye wiyita Vee Money ari kurutonde rurerure rw’ibyamamare muri Tanzania bakurikiranywe n’inzegu zishinzwe umutekano gukoresha ndetse no gucuruza ibiyobyabwenge mu buryo butemewe n’amategeko agenga Tanzania.
Nk’uko byemezwa na Aman Tenga, umunyamategeko wunganira Vanessa Mdee, ubu uyu mukobwa uharawe mu ndirimbo Cash Madame arafunze aho ari guhatwa ibibazo na Polisi.
Aman Tenga yemeje ko uyu mukobwa inzu ye iherutse gusakwamo ibiyobyabwenge ndetse ajyanwa mu bitaro bya Leta ngo apimwemo ibiyobyabwenge.
Kuri uru rutonde byanuganuzwe ko na Diamond Platnumz ariho ariko we ntaratabwa muri yombi, ku ikubitiro bigitangira Wema Sepetu wabaye Nyampinga wa Tanzania mu 2006 niwe wabanje gutabwa muri yombi.
Guverinoma ya Tanzania yafashe umwanzuro wo gukora umukwabu hagamijwe kugabanya ikoreshwa n’icuruzwa ry’ibiyobyabwenge ihereye mu byamamare nyuma yaho hari abaturage bayo banyongewe (bamanitswe) mu Bushinwa kubera kwinjiza muri iki gihugu ibiyobyabwenge biturutse muri Tanzania.
Vanessa Mdee
