Ishyaka RNC rya Kayumba Nyamwasa rirwanya ubutegetsi bw’u Rwanda rikaba rikorera hanze y’igihugu, riravugwaho gufata abafana b’ikipe y’igihugu y’umupira w’amaguru, Amavubi, rikabita abayoboke baryo, aho umwe muri aba bafana wambitswe ishyaka RNC hifashishijwe ikoranabuhanga rya photoshop yagize umujinya akanatukana nyuma yo kubona iyo foto ikwirakwizwa ku mbuga nkoranya mbaga, akavuga ko byamwanze mu nda nk’uko yabyandikiye Rushyashya atabaza.
Kayumba Nyamwasa
Nk’uko bigaragara ku mafoto uyu mufana, tutifuje gutangaza amazina ye kubera impamvu z’umutekano we, yatwoherereje, abakoze ayo mafoto kuburyo bw’ikoranabuhanga [photoshop ] , byumvikana ko ari abayoboke ba RNC, biyitirira abafana b’Amavubi bari baherekeje u Rwanda muri Zambia mu mukino uherutse guhuza amakipe y’abatarengeje imyaka 20 y’ibihugu byombi.
Mu magambo ye agaragaza uburakari yatewe n’aya mafoto, uyu mufana w’Amavubi yagize ati: “Ndagirango mbereke aya mahano.
…….”Nari nabyihoreye ariko binyanze munda. Ayamafoto biragaragara ko ari feke? Ni gute umuntu azajya yigira gufana maze inyana z’….. zikamuhohotera zimwambika ingirwa shyaka ryazo? Iri si ihohotera? Hari aho bitandukaniye no gufata umuntu ku ngufu? Ibi ni rape yo mu rundi rwego! ababantu i m sure ntawababajije niba hari icyo bibatwaye kwambara Rnc mbere yo kupafotoshopinga. Plz Rushyashya ibi nukurenga umurongo “.
Twagerageje gushaka zimwe muri izi photo z’umwimerere dore ko zanamamaye cyane zigaragaza abakobwa babiri bari bari gufana Amavubi ibyishimo ari byose, ariko ibirango bya RNC bigaragara kuri aya mafoto mashya ntabiriho, kubw’amahirwe twayabonye. [ Amafoto nyayo y’umwimerere]
Ni ifoto zamamaye ahantu henshi izwi.
Ese ibi byaba bisobanuye ko RNC yaba ifite ikibazo cy’abayoboke none ikaba itangiye kujya ishimuta amafoto y’abafana b’Amavubi ikabita abayoboke bayo, cyangwa haba hari ikindi kibyihishe inyuma, harimo no kureshya abayoboke iciye muri sports.
