Ubwo hakinwaga umukino ubanza wo gushaka itike yo kwerekeza mu mikino ya nyuma Olimpiki izabera mu Bufaransa umwaka utaha, Uganda yanganyije n’u Rwanda ibitego 3-3.
Ni umukino wabereye kuri Kigali Pele Stadium ku gucamunsi cyo kuri uyu wa Gatatu, Uganda idafite ikibuga cyo kwakiriraho imikino mpuzamahanga yitabaje iy’i Nyamirambo bakria u Rwanda.
Ni umukino waranzwe no kurumbuka kw’ibitego ku mpande zombi, aho ku ruhande rwa Uganda yari yakiriye yatsindiwe na Nyinagahirwa Shakira ku munota wa 45, Hasifgh Nassung ku munota wa 54 na Fazila lkwaput ku minota wa 84.
Ku ruhande rw’u Rwanda rwatozwaga na Nyinawumuntu Grace, rwatsindiwe na Mukahirwa ku munota wa 33, Nibagwire Libelle yatsinze igitego cya kabiri ku munota wa 66 w’umukino ndetse na Usanase Zawadi atsinda ikindi ku munota wa 86.
Nyuma yo kunganya kw’amakipe yombi ibitego bitatu kuri bitatu mu mukino ubanza hateganyijwe undi mukino wo kwishyura uzahuza aya makipe yombi.
Ni umukino uzaba kuri iki cyumweru tariki ya 16 Nyakanga 2023, ukazbera kuri Kigali Pele Stadium guhera ku isaha ya saa cyenda zuzuye.
