Depite Mukayisenga Françoise yitabye Imana aguye mu bitaro bya Gisirikare i Kanombe

Depite Mukayisenga Françoise wavutse mu 1969 yitabye Imana mu ijoro ryo kuri uyu wa Mbere aguye mu bitaro bya Gisirikare i Kanombe.

Nta makuru arambuye aratangazwa ku rupfu rw’uyu mudepite wari ufite imyaka 48.

Mukayisenga yari umudepite mu Nteko Ishinga Amategeko y’u Rwanda kuva mu mwaka 2003 uhagarariye FPR-Inkotanyi aturutse mu Ntara y’Iburengerazuba.

Hon Mukayisenga yari yarize ibijyanye na ‘Management’ muri Central Africa Adventist University (UAAC) i Kigali.

Uyu yigeze kuba ushinzwe umutungo mu cyahoze ari Komine Rwerere ndetse yigeze kuba Vice mayor (2001-2003) mu cyahoze ari akarere ka Cyanzarwe. Kuva 2003 yabaye Umudepite mu Nteko ukomoka muri FPR-Inkotanyi.

Depite Mukayisenga Françoise RIP

Inteko Ishinga Amategeko y’u Rwanda mu Ukwakira umwaka ushize nabwo yabuze umwe mu bayigize, Hon. Depite Nyandwi Desire na Hon Jean de Dieu Mucyo wari umwe mu bagize Sena.

Depite Nyandwi Desire witabye Imana

Hon. Mucyo J.de Dieu witabye Imana anyereye ku madarajya