Muntambara y’imyanya, amacakubiri n’amatiku adashira mu ishyaka ry’abatavuga rumwe na Leta y’u Rwanda RNC, kuri iki cyumweru tariki 24 Nyakanga 2016, Kayumba Nyamwasa yagize icyo avuga kuri Theogene Rudasingwa babanye muri RNC, bakaza gushwana bituturutse ku matora arimo gutegurwa muri RNC.
Kayumba Nyamwasa yabwiye umunyamakuru Serge Ndayizeye kuri Radio Itahuka isigaye ikorera mu buhungiro mu Bubiligi, ko yagiye yihanganira Rudasingwa igihe kirekire ari nako amugirira ibanga kumafuti ye menshi.
Kubyerekeye itangazo ryo kuwa 1 Nyakanga 2016, Rudasingwa Theogene yashyize ahagaragara yitandukanya n’agatsiko k’abatutsi bahoze mu gisilikare kayobowe na Kayumba.
Kuri Rudasingwa, Kayumba ati : Twagiye tugirira abantu ibanga. Twamugiriye (Rudasingwa) ibanga, kuvuga ngo uriya ntacyo avuze, ntanijwi yabona, uriya ni umuteruzi w’ibibindi ….., ntacyo avuze. Ibi kandi yanabivuze kubandi barwanashyaka ba RNC birirwa bakora ubusa.
Kayumba Nyamwasa RNC ishaje
Kugeza ubu biravugwa ko Kayumba Nyamwasa ari mu gihugu cya Africa y’epfo aho yabonye ubuhungiro, Leta y’u Rwanda yo ikaba yaratangiye gusaba Leta ya Afrika y’epfo ko yabashyikiriza Generali Kayumba Nyamwasa kugira ngo akurikiranwe n’ubutabera bwo mu Rwanda kubera ibyaha aregwa yanahamijwe n’inkiko za gisilikare..
Amashyirahamwe abiri yita ku burenganzira bwa muntu akorera muri Afurika y’Epfo ariyo Southern Africa Litigation Centre (SALC) na Consortium for Refugees and Migrants Rights South Africa (CoRMSA) arasaba Leta y’icyo gihugu gusubira ku cyemezo yafashe cyo guha ubuhunzi Kayumba Nyamwasa.
New -RNC : Rudasingwa Theogene
Mu kirego aya mashyirahamwe yatanze kuva taliki 29/10/2012 avuga ko Kayumba akwiye kwamburwa uburenganzira bw’ubuhunzi kuko ashinjwa ibyaha byibasiye inyoko muntu kandi amategeko mpuzamahanga n’aya Afrika y’epfo akaba atemera ko umuntu ushinjwa ibyaha nk’ibyo yemererwa ubuhunzi.
Kayumba Nyamwasa ashinjwa kugira uruhare mu iterabwoba ry’ibikorwa byo gutera ibisasu mu Rwanda ; ibi byaha byatumye urukiko rwa gisirikare rw’u Rwanda rumukatira gufungwa imyaka 24 no gukurwaho impeta za gisirikare.
Cyiza Davidson
