Shampiyona y’u Rwanda mu kiciro cya mbere irakomeza ku munsi wayo wa kabiri kugeza ku munsi wo kuwa kane, mu mikino itegerejwe kuri uyu munsi wa kabiri ikipe ya Police FC izakira ikipe ya Rayon Sports kuri Sitade ya Kigali i Nyamirambo.
Ni shampiyona igiye gukinwa ariko amakipe ahagarariye u Rwanda mu mikino Nyafurika ya CAF Champions League na Confederations Cup atazakina umunsi wa kabiri n’uwa gatatu bitewe n’uko arimo kwitegura iyi mikino mpuzamahanga.
Ikipe ya APR FC ihagarariye u Rwanda muri Champions League izakina na US Monastir, yagombaga gukina na Bugesera FC ku munsi wa kabiri ndetse na Police FC ku munsi wa gatatu wa Primus National League.
Kuri AS Kigali yo izakina ASAS Sabieh kuri uyu wa gatandatu, yagombaga gukina na Mukura VS ku munsi wa kabiri ndetse ikazahura na Musanze FC ku munsi wa gatatu wa shampiyona y’u Rwanda 2022-2023.
AS Kigali ikaba izakinira muri Djibouti na Ali Sabieh irahaguruka mu Rwanda mu rukerera rwo kuri uyu wa gatatu saa saba z’ijoro.
Uko imikino iri bukinwe ku munsi wa kabiri wa shampiyona y’u Rwanda:
Kuwa Kabiri, tariki ya 6 Nzeri 2022:
Gasogi United vs Etincelles
Sunrise FC vs Gorilla FC
Musanze FC vs Marines FC
Rwamagana City FC – Rutsiro FC
Kuwa Gatatu, tariki ya 7 Nzeri 2022:
Kiyovu Sports – Espoir FC
Kuwa Kane, tariki ya 8 Nzeri 2022:
Rwanda Police FC – Rayon Sports FC
