Abantu babiri bafungiye kuri sitasiyo ya polisi ya Bweyogereremu gihugu cya Uganda, bashinjwa gukorera iyicarubozo rikabije umukozi wabakoreraga mu rugo.
Mu itangazo ryashyizwe hanze na polisi, rivuga ko uyu mukobwa wahimbwe izina rya Maid, yakorewe iyicarubozo ndetse aranababazwa ku buryo bukabije.
Iri tangazo rivuga ko abafashwe ari uwitwa Peter Kayiduwa w’imyaka 50 wari umukozi wa kompani ishinzwe guhuza abakozi n’ababakeneye yitwa “Master maids found” ifite icyicaro i Kampala.
Uyu mukobwa wahinduriwe amazina,ngo yakoreraga umugore witwa Sandra Mukibi, utuye mu gace ka Kireka k’i Kampala.
Mu itangazo polisi, igira iti “Yakubitwaga insinga z’amashanyarazi, inkoni, akabuzwa gusohoka, agatwikwa ibiganza, ibice by’ibanga, agakubitishwa ibikoresho byarura ibiryo, agafungirwa mu cyumba cy’ububiko ndetse Mukibi anananirwa kumwishyura umushahara we”.
Polisi ikomeza ivuga ko amakuru yayamenye iyahawe na bamwe bo mu muryango w’uyu mukobwa wakoraga akazi ko mu rugo, abamukoreshaga batabwa muri yombi.
