Umuyobozi w’Akarere ka Kamonyi, Udahemuka Aimable, biravugwa ko yeguye ku mirimo ye yari amazeho umwaka urenga.
Amakuru agera kuri IGIHE dukesha iyi nkuru ni uko uyu muyobozi w’akarere yeguye ku mpamvu ze bwite. Akaba yakomokaga mu ishyaka PL.
Guverineri w’Intara y’Amajyepfo, Mureshyankwano Marie Rose, yavuze ko nawe yumvise ayo makuru ariko ko atarabona ibaruwa y’ubwegure bwa Udahemuka.
Turacyagerageza kuvugana n’Umuyobozi w’Inama Njyanama y’Akarere ka Kamonyi ngo tumenye neza iby’ubwo bwegure ariko ntiyafata telefone kimwe na nyir’ubwite Udahemuka ntiyitabaga.
Udahemuka Aimable yari Meya wa Kamonyi kuva muri Gashyantare 2016.
