Perezida wa Angola, Jose Eduardo dos Santos, arashyize agiye kurekura ubutegetsi nyuma y’imyaka 37 aburiho, aho kuri uyu wa Gatanu yatangaje ko azatanga ubutegetsi mbere y’amatora ateganyijwe mu mwaka utaha wa 2017.
Radio y’iki gihugu niyo yatangaje ko ishyaka MPLA riri ku butegetsi ryahisemo minisitiri w’ingabo, Joao Lourenço , ngo abe ari we uzarihagararira mu matora ateganyijwe muri Kanama 2017.
Perezida Dos Santos kuri ubu ufite imyaka 74 y’amavuko, yatangiye kuyobora Angola kuva mu 1979, akaba ari we mukuru w’igihugu wa kabiri muri Afurika wari umaze igihe ku butegetsi nyuma ya Teodoro Obiang Nguema Mbasogo wa Guinea Equatorial.
Iyi si inshuro ya mbere perezida Dos Santos atangaje ko azarekura ubutegetsi. Mu 2001 nabwo yatangaje ko ataziyamamaza mu matora yari gukurikira, ariko aza kongera gutorwa mu 2003.
Muri Werurwe 2016, yari yavuze ko azava ku butegetsi mu 2018, ariko ntiyagaragaza na gato ko afite imigambi yo kwegura.
Perezida Dos Santos
