Charly na Nina bari mu bahanzi bakunzwe mu Rwanda na Uganda bishimiwe na Perezida Museveni ubwo batumirwaga kuririmba mu bukwe bw’ umuherwa wo muri Uganda.
Abakobwa babiri bagize itsinda rya Charly na Nina bakomeje kwesa uduhigo bitewe n’ ibihugu bagenda bataramiramo bakabasha kwerekana ubuhanga bwabo ndetse nari nako bishimirwa n’ abantu baba bitabiriye ibyo bitaramo.
Aba bakobwa bakunzwe cyane mu gihugu cy’ Abaturanyi cya Uganda biturutse ku ndirimbo Owooma bakoranye n’ umuhanzi Geosteady hashize iminsi mike baherekeje aho bitabiriye ubukwe batumiwemo bw’ umuhungu w’ umuherwa witwa Kananura w’ inshuti ya hafi ya Perezida Museveni dore ko nawe yitabiriye ubwo bukwe.
Ubu bukwe ba Charly na Nina batumiwe mo bwabereye Entebbe muri Lake Victoria Serena Hotel bwitabirwa na Museveni dore ko ari ibintu byatunguye aba bahanzi cyane kuko muri bo nta numwe wari witeze ko Perezida aza kwitabira.
Ubwo aba bakobwa baririmbaga bageze kundirimbo “Owooma” biba akarusho bitewe n’ ukuntu ikunzwe muri iyi minsi, byaje gutuma na Museveni yishima anashimira aba bahanzi arabaramutsa asuhuza umwe kuri umwe.
Perezida Museveni waryohewe na Owooma yahise arembuza ba Charly na Nina abahehereza ibaruwa (envelope) arabashimira no mu myanya w’ ijambo arongera arabashimira cyane.
Iyi ni Envelope Museveni yabahaye
