Urukiko rushinzwe kurinda Itegeko Nshinga muri Uganda, rwatangiye kumva no gusuzuma ubusabe bw’abasabye ko ingingo igena imyaka y’amavuko ntarengwa kuri Perezida yakurwamo.
Mu Ukuboza 2017 nibwo inteko ishinga amategeko yashyizeho itegeko rikuraho ingingo yari mu Itegeko Nshinga yavugaga ko umuntu uri munsi y’imyaka 35 ndetse n’urengeje imyaka 75 atemerewe kwiyamamariza umwanya w’umukuru w’igihugu.
Abatavuga rumwe n’ubutegetse bamaganye iryo tegeko bavuga ko rigamije guha perezida Yoweri Kaguta Museveni amahirwe yo kongera kwiyamamaza muri 2021.
Museveni afite imyaka 73. Bivuze ko iyi manda arimo izarangira 2021 aho azaba yararengeje imyaka 75 .Bikaba byamubera intambamyi yo kwiyamamaza.
Ijwi rya Amerika dukesha iyi nkuru , bavuga ko Museveni yageze ku butegetsi mu 1986 . Akaba amaze ku butegetsi imyaka 32.
Museveni ari mu bakuru b’ibihugu barambye ku butegetsi muri Afurika ndetse akaba na we ashaka kuguma ku butegetsi binyuze mu guhindura Itegeko Nshinga.
![“Abantu nka Ingabire[ Victoire] urabareka ikibi kibarimo kikaba aricyo kibagiraho ingaruka” – Paul Kagame.](https://rushyashya.net/wp-content/uploads/2024/07/Screenshot_20231121-163136-360x240.jpg "“Abantu nka Ingabire[ Victoire] urabareka ikibi kibarimo kikaba aricyo kibagiraho ingaruka” – Paul Kagame.")
