Mu Burundi hagiye gutangira ibikorwa byo guhindura itegekonshinga
Perezida Pierre Nkurunziza ashaka gukuraho inzitizi zimubuza kwiyamamaza mu mwaka wa 2020
Ibikorwa bijyanye no guhindura itegeko nshinga mu Burundi birarimbanyije kugira ngo perezida Pierre Nkurunziza azongere yemererwe kwiyamamaza mu mwaka wa 2020.
Iyi nama iteganyijwe kuba ku italiki ya 12 Ukuboza 2017 ikazabera mu ntara ya Gitega ikazayoborwa na perezida Nkurunziza. Iyi nama izatangira saa mbili za mu gitondo.
Minisitiri ushinzwe inyigisho zo gukundisha abantu igihugu Pascal Barandagiye yasabye abahagarariye intara ko babimenyesha ab’amakomini kugira ngo nabo bakomeze gushishikariza abaturage kumva akamaro ko guhindura itegekonshinga (ibwirizwa nshingiro).
Minisitiri Pascal Brandagiye
Abaturage bazemera ko itegekonshinga ryahinduka bazatora YEGO naho abatabyemera batore OYA.
Uru nirwo rupapuro rutumira abayobozi b’intara mu nama yo kuwa 12 Ukuboza 2017 yiga ku guhindura itegekonshinga ry’Uburundi.
Ku rundi ruhande abadashyigikiye ubutegetsi bwa Nkurunziza bakomeje kwamagana iki gikorwa bavuga ko ashaka kugundira ubutegetsi.
