Depite Robert Kyagulanyi Ssentamu akaba n’ umuhanzi w’ icyamamare muri Uganda uzwi nka Bob Wine agiye kujyana Leta ya Uganda mu nkiko kubera ko umuyobozi wa polisi mu mugi wa Kampala yaburijemo igitaramo uyu muhanzi yari agiye gukora.
Inkuru ya Dail monitor ivuga ko Bob Wine n’ itsinda ryateraga iki gitaramo bandikiye polisi ya Kampala bayisaba uburenganzira bwo gukorera igitaramo muri uyu mugi komanda Frank Mwesigwa akabasubiza ko bitashoboka.
Mwesigwa yabwiye Bob wine na bagenzi be ko adashobora kwemererwa gukora iki gitaramo mu gihe iperereza ku ruhare yagiye mu mvururu ziherutse kubera mu nteko ishinga amategeko ya Uganda ritararangira.
Depite Bob Wine uvuga ko kuba iki gitaramo cyaraburijwemo byamuhombeje amafaranga menshi, yandikiye urukiko rukuru rwo muri Kampala asaba polisi kudakomeza kwivanga mu mirimo ye y’ ubuhanzi.
Yagize ati “Umuziki nibwo bushabitsi bunyinjiriza amafaranga atuburutse. Kimwe n’ Umunya Uganda wese mfite bwo gukora ubushabitsi mu muziki. Nafashe umwanzuro wo kugana inkiko kubera ko polisi yavogereye uburenganzira bwanjye”
Bob Wine afite indirimbo nyinshi zakunzwe cyane harimo iyitwa Specioza n’ izindi
