Umuhanzikazi Butera Knowless ku bufatanye n’inzu ya Kina music imufasha muri muzika ye, bageze kure umushinga wo gutunganya indirimbo zizagaragara kuri album yabo ya kane bamaze kubatiza izina rya ‘QUEENS’, ikazaba ifite umwihariko uyitandukanya na album eshatu z’uyu muhanzikazi zabanje.
Nk’uko umuyobozi mukuru wa Kina music yabitangarije umunyamakuru wa Inyarwanda.com, ubwo batugezagaho indirimbo nshya ya Knowless bise ‘Konashize’ izagaragara kuri iyi album, yadutangarije ko iyi album igomba kuzasohoka mu kwezi kwa Nyakanga muri uyu mwaka wa 2016, ikazaba ifite umwihariko w’uko 60% y’indirimbo zizagaragaraho zizaba ziri mu rurimi rw’igiswahili.
Knowless ageze kure album ye ya kane izaba yitwa Queens igomba gusohoka muri Nyakanga. Iyi album izaba iriho indirimbo 10, ariko 60% muri zo ziri mu rurimi rw’igiswahili. – Ishimwe Clement
Kanda hano wumve iyo ndirimbo
Knowless na Kina music banogeje umugambi wo kwibanda ku rurimi rw’igiswahili, nyuma yo kubona ko indirimbo Tulia, na Peke yangu zagize impinduka ikomeye mu mugambi wabo wo kwagura isoko ryabo rya muzika.
Tumubajije impamvu bahisemo ko iyi album yabo yazitwa ‘Queens’, Clement Ishimwe yavuze ko bayihaye iri zina kubera ko ivuga ku ngingo nyinshi zerekana uburenganzira bw’abari n’abategarugori n’uburyo bagakwiye gufatwa.
M.Fils
