Ku mugoroba wo kuri uyu wa Kane tariki ya 23 Gashyantare 2023, nibwo Perezida wa Repubukika y’u Rwanda, Paul Kagame yakiriye Sylvan Adams, umuyobozi w’ikipe ya Israel Premier Tech isanzwe ikina umukino wo gusiganwa ku magare.
Binyuze ku rubuga rwa Twitter rwa Village Urugwiro, banditse ko Perezida Kagame yakiriye Sylan Adams washinze Israel Premier Tech akaba yari kumwe n’itsinda ryamuherekeje.
Muri uyu muhuro kandi, hari na Minisitiri wa Siporo Madamu Munyangaju Aurore Mimosa ndetse n’umuyobozi w’ishyirahamwe ry’umukino wo gusiganwa ku magare mu Rwanda (FERWACY) Murenzi Abdalla.
Adams kandi usibye kuba afite ikipe ya Israel Premier Tech, ni umwe mu batangiye igikorwa cyo gufasha gukabya inzozi z’abakinnyi bifuza gukina umukino w’igare binyuze muri Foundation Gasore Serge.
Mu gutangira ku isonga, Adams na Gasore Serge ndetse n’ubuyobozi bw’ikipe ya Bugesera Cycling Team bafunguye ikibuga kizaba kiberamo amasiganwa atandukanye yo gusiganwa ku magare.
Israel Premier Tech ya Sylvan Adams ni imwe mu makipe 19 yitabiriye isiganwa ryo kuzenguruka igihugu rizwi nka Tour du Rwanda , iyi kipe kandi ikaba ifite umwe mu bakinnyi bafatwa nkaho ariwe wa mbere Chris Froome.
Usibya kuba Iyi kipe ifite Froome yazanye abakinnyi 5 bari baje gusiganwa ariko birangira isiganwa ritangiye ari abakinnyi 4 kuko umwe muribo yagize uburwayi asubira iwabo kwivuza.
