Umukinnyi Cristiano Ronaldo wari wagarutse mu bihe bye byiza ntiyabashije gusoza umukino wari wahuje Real Madrid na La Coruna kubera umugeri yakubiswe na myugariro w’iyi kipe.
Uyu mukino wabaye ku munsi w’ejo maze Real Madrid yari imaze iminsi mu bihe bitari byiza inyagira La Coruna 7-1 harimo 2 bya Christiano Ronaldo. Gusa uyu musore ntibyamuhiriye kuko habura iminota mike ngo umukino urangiye yakubiswe umugeri na myugariro wa La Coruna,Fabian Schar, maze agahita akomereka cyane.
Ubwo yavaga mu kibuga Ronaldo yatiye Telefoni kugirango yireberemo arebe uburyo yakomeretse.
Kugeza ubu ntiharatangazwa niba iki gikomere hari ingaruka zikomeye gishobora kugira kuri uyu musore ngo kuba hari imikino atakina mu minsi iri imbere.
