Ishyirahamwe ry’Umukino wa Basketball mu Rwanda, FERWABA, ryatangaje ingengabihe y’imikino ya shampiyona y’umwaka wa 2020/2021, iteganyijwe gutangira kuri uyu wa gatanu tariki ya 04 Kamena 2021.
Iyi shampiyona ikaba izakinwa mu byiciro bibiri , icy’abagabo ndetse n’abagore.
Mu bagabo uyu mwaka amakipe azakina ni amakipe 14 avuye ku makipe 12 yakinnye umwaka ushize, naho mu cyiciro cy’abagore hazakina amakipe atandatu avuye ku makipe ane yagaragaye mu mwaka ushize w’imikino.
Amakipe atandatu y’abagore azitabira shampiyona y’uyu mwaka ni The Hoops WBBC, RP-IPRC Huye WBBC, Ubumwe WBBC, APR WBBC, GS. Marie Reine na UR-Huye.
Amakipe cumi n’ane y’abagabo azitabira shampiyona y’uyu mwaka yagabanyijwe mu matsinda abiri. Irya mbere (A) ririmo Patriots BBC, RP-IPRC Kigali BBC, UGB BBC, RP-IPRC Musanze BBC, Tigers BBC, Shoo 4 Stars BBC na UR-Huyemu gihe irya kabiri (B) ririmo REG BBC, APR BBC, RP-IPRC Huye BBC, Espoir BBC, 30 Plus BBC, Rusizi BBC na UR-CMHS BBC.
Biteganyijwe ko imikino ibanza izakinwa guhera kuri uyu wa gatanu tariki ya 4 Kamena 2021 ikazasozwa tariki ya 5 Nyakanga 2021 hakabonwa gukina imikino ya Playoffs yitabirwa n’amakipe ane ya mbere.
Imikino iteganyijwe ku munsi wa mbere wa shampiyona:
Mu Bagore:
Ku wa Gatanu, tariki ya 4 Kamena 2021:
UR-Huye vs RP-IPRC Huye (17h00-19h00, Huye)
Ku wa Gatandatu, tariki ya 5 Kamena 2021:
The Hoops BBC vs APR BBC (10h00-12h00, Petit Stade)
Ubumwe BBC vs RP-IPRC Huye (14h00-16h00, Petit Stade)
GS. Marie Reine BBC vs UR-Huye (14h00-16h00, Ikibuga cyo hanze cya Stade Amahoro)
Mu Bagabo:
Ku wa Gatanu, tariki 4 Kamena 2021:
Patriots BBC vs Shoot 4 Stars (17h00-19h00, Petit Stade)
REG BBC vs Rusizi BBC (17h00-19h00, Ikibuga cyo hanze cya Stade Amahoro)
APR BBC vs 30 Plus BBC (19h00-21h00, Petit Stade)
UGB BBC vs RP-IPRC Musanze BBC (19h00-21h00, Ikibuga cyo hanze cya Stade Amahoro)
RP-IPRC Huye BBC vs Espoir BBC (19h00-21h00, IPRC Kigali)
