Umusirikare w’u Burundi yiciwe muri Centrafrika

Umwe mu basirikare b’u Burundi bari mu butumwa bwo kugarura amahoro muri Centrafrika yiciwe mu gitego cyo ku wa 10 Kamena 2018.

Mu itangazo umuryango w’abibumbye washyize ahabona, batangaza ko iyi mirwano uyu musirikare yasizemo ubuzima yabereye mu gace ka Bambari mu mujyi wa Bangui, undi musirikare wa Centrafrika akaba yakomeretse bikomeye.

Nk’uko ikinyamakuru Dailymail kibitangaza, ngo urupfu rw’uyu musirikare w’u Burundi ruje rukurikira urw’undi ukomoka muri Tanzania wishwe abandi barindwi bakomerekera mu mirwano yabereye Dilapoko.

Izi ngabo z’umuryango w’abibumbye ziri mu butumwa bwo kugarura amahoro muri Centrafrika kuva mu 2014, ubwo muri iki kihugu hadukaga intambara z’abaturage zishingiye ku moko n’amadini.

Iyi mirwano yamaze amasaha ngo arenga atatu, yaguyemo abarwanyi benshi b’umutwe w’inyeshyamba za ‘Union for Peace’ zari zagabye igitero kuri izi ngabo za Loni.

Umuryango w’abibumbye ufite ingabo zisaga ibihumbi 11 n’abapolisi 2000 bashinzwe kubungabunga amahoro muri iki gihugu. Kuva umwaka watagira wa 2018, batanu muri bo ngo bamaze kuhasiga ubuzima.