Ni umukino wabereye kuri sitade ya Kigali I Nyamirambo, Rayon Sports niyo yatangiye neza aho rutahizamu ukomoka muri Uganda Mussa Esenu yafunguye amazamu ya Police FC yari ariko Rwabugiri Omar.
Ulo iminota yiyongeraga niko n’umukino warushagaho kugenda ukinwa neza cyane cyane cyane ukinirwa mu kibuga hagati kugeza ubwo imikita 45 y’igice cya mbere yarangiye ari igitego kimwe cya Rayon Sports ku busa bwa Police FC.
Mu gice cya kabiri, umutoza wa Rayon Sports yakoze impinduka aho yakuyemo ikipe yose yari yabanjemo azana indi y’abakinnyi 11 bashya, ku ruhande rwa Police FC ho habayemo impinduka 4 gusa.
Ubwo umukino wari ugeze mu minota ya nyuma nibwo Police FC yabonye igitego cyo kwishyura cyatsinzwe na Iyabivuze Osee ubwo hari ku munota wa 82, akaba ari nako umukino warangiye amakipe yombi anganyije kimwe kuri kimwe.
Muri uyu mukino kandi, ku ruhande rwa Gikundiro yabonye umwanya wo gukoresha abakinnyi bayo bashya yaguze barimo Musa Esenu na Bukuru Christophe babanje muri 11.
Mu basimbura kandi hagaragayemo Ishimwe Kevin wavuye muri Kiyovu SC ndetse na rutahizamu wavuye muri Cameroon ariwe Mael Dindjeke.
Ku ruhande rwa Police FC , myugariro w’inyuma ku ruhande rw’i Bumoso ariwe Abouba Sibomana nawe yakinnye igice cya kabiri cy’uyu mukino.
![Umunyamakuru Mugabushaka Jeanne de Chantal [ Maman Eminante ] na Bizimana Ibrahim bakatiwe igifungo cy’imyaka itatu n’ihazabu ya miliyoni 3](https://rushyashya.net/wp-content/uploads/2017/05/arton8246-360x240.jpg "Umunyamakuru Mugabushaka Jeanne de Chantal [ Maman Eminante ] na Bizimana Ibrahim bakatiwe igifungo cy’imyaka itatu n’ihazabu ya miliyoni 3")
