Mu rukerera rwo kuri uyu wa kabiri tariki ya 1 Ugushyingo 2022 nibwo amakipe y’igihugu mu mukino w’intoki wa Sitting Volleyball yahagurutse i Kigali berekeza mu gihugu cya Bosnie and Herzegovina, aho bagiye gukina shampiyona y’isi y’abafite ubumuga.
Nk’uko byatangajwe n’abayoboye izi kipe z’igihugu zombi, abahagarariye u Rwanda muri iyo shampiyona y’isi ngo bageze muri icyo gihugu amahoro.
Ni urugendo rwatangiye ku isaha ya Saa munani na mirongo ine n’itanu zo mu rukerera (02h55), baca Istanbul muri Turkie aho baje kuva mu masaha ya saa moya n’iminota 55 z’umugoroba bahita berekeza I Sarajevo mu gihugu cya Bosnie and Herzegovina bahagera ku isaha ya saa Moya n’iminota 50 z’ijoro.
Kugeza ubu itsinda ry’u Rwanda icumbitse muri Hotel Hills Sarajevo, bitaganyijwe ko aho bacumbitse ari naho imikino izabera kuko niho hubatse ibyo bibuga bizaberaho shampiyona y’isi.
Ku makipe yombi ahagarariye u Rwanda, yakoreye umwiherero mu karere ka Gisagara aho bamaze ibyumweru birenga bibiri bitegura iri rushanwa rizatangira kuya 4-11 Ugushyingo 2022.
Muri iyi mikino ikipe y’igihugu y’abagabo iri mu itsinda rya kane aho iri kumwe na Misiri, Ukraine n’ UBuholandi naho abagore bari mu itsinda rya C hamwe na Misiri na Poland.
Urutonde rw’aberekeje muri shampiyona y’isi izabera muri Bosnia and Herzegovina:
