Abakinnyi b’ibyamamare muri Cinema ya Africa no ku isi yose muri rusange, Osita Iheme na Mugenzi we witwa Chinedu Ikedieze bari mu gihugu cy’u Rwanda.
Aba bagabo bombi bamenyekanye muri filimi zizwi nka Aki na Ukwa, 2 Rats, Baby police, Mirror Boy n’izindi nyinshi.
Osita na Chinedu bari mu gihugu cy’u Rwanda aho baje mu bikorwa by’itangwa ry’ibihembo bihabwa abanditsi ba filime Script writer, abakinnyi Actors, abayobozi ba filime Directors na filime nziza kurusha izindi ku mugabane wa Afurika (African Movie Academy Awards (AMAA).
Kuri uyu wa gatanu tariki ya 23 Kamena 2017 aba bombi bagiriye ibiganiro bitandukanye mu bitangazamakuru bitandukanye bya hano mu Rwanda harimo nka Radio Rwanda, na Royal TV.
Osita Iheme uzwi nka Paw Paw afite imyaka 34 mu gihe Chinedu Ikedieze afite imyaka 39.
Osita Iheme na Mugenzi we witwa Chinedu Ikedieze bose ubu bari mu mujyi wa Kigali
Kuri uyu wa gatanu tariki ya 23 Kamena 2017 aba bombi bagiriye ibiganiro kuri Magic FM
Chinedu Ikedieze wambaye ingofero itukura afite imyaka 39, mu gihe Osita Iheme uzwi nka Paw Paw afite imyaka 34
Uretse aba bagabo, muri ibi birori bizabera muri Camp Kigali hateganyijwe ko hazaza ibindi byamamare bikomeye muri cinema ya Africa.
