Jonathan Musonera
Nyuma y’aho Jonathan Musonera, atekeye imitwe agasohora itangazo rihamagarira abantu mu kuzitabira misa yo kwibuka Col Patrick Karegeya i Bruseli mu Bubiligi, umuryango wa Col. Karegeya utabizi, uyu muryango mu izina rya Lea Karegeya umufasha wa nyakwigendera Karegeya kuri uyu wa 28/12/2016 nawe yasohoye irindi tangazo ryamagana Jonathan Musonera yagize ati : ” Twamaganye uwariwe wese washaka gukoresha izina rya Col Karegeya mu buryo budakwiriye, twizeye kandi ko ibyifuzo byacu bizubahirizwa.”
Itangazo ry’umuryango wa Col. Karegeya
Umuryango wa Col Patrick Karegeya na Karegeya foundation bafatanije n’ ishyaka Col Karegeya yashinze “IHURIRO NYARWANDA, RNC banejejwe no kumenyesha inshuti n’abavandimwe ko gahunda zo kwibuka Col. Patrick Karegeya zirimo gutegurwa.
Kandi ko aho umuhango uzabera n’itariki bizamenyeshwa mu minsi ya vuba.
Turamenyesha kandi nabifuza kuza kwifatanya n’umuryango wacu ko bose bahawe ikaze.
Leah Karegeya
Tuboneyeho n’akanya ko gusaba ko uyu muhango wo kwibuka umuvandimwe n’inshuti ya benshi Col. Patrick Karegeya utakoreshwa mu nyungu z’umuntu ku giti cye cyangwa iza politiki.
Twamaganye uwariwe wese washaka gukoresha izina rya Col Karegeya mu buryo budakwiriye, twizeye kandi ko ibyifuzo byacu bizubahirizwa.
Tubaye tubashimiye.
Leah Karegeya
Karegeya foundation
