• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»Amakuru»Umunsi wa gatanu wa shampiyona usize Marines FC , APR FC na AS Kigali mu makipe asohotse mu matsinda, AS Muhanga, Etincelles na Mukura zigomba guhatanira kutamanuka.

Umunsi wa gatanu wa shampiyona usize Marines FC , APR FC na AS Kigali mu makipe asohotse mu matsinda, AS Muhanga, Etincelles na Mukura zigomba guhatanira kutamanuka.

Ubwanditsi 15 May 2021 Amakuru, IMIKINO, Mu Rwanda

Ubwo hakinwaga umunsi wa gatanu wa shampiyona y’u Rwanda amakipe atatu amaze kwizera ko azakomeza mu makipe 8 ahatanira gutwara igikombe ariyo APR FC, AS Kigali na Marines, ni mugihe ikipe nka AS Muhanga itarabona inota na rimwe mu mikino itanu, Etincelles na Mukura zo zigomba guhatanira kudasubira mu kiciro cya kabiri.

Mu mikino yaraye ibaye kuri uyu wa gatanu, ikipe ya Rayon Sports yanganyije na Kiyovu Sport igitego kimwe kuri kimwe, ni umukino wabereye i Nyamata mu karere ka Bugesera, muri uyu mukino Kiyovu SC niyo yatangiye neza ubwo hari ku munota wa 29 w’umukino myugariro Mbogo Ali yatsinze igitego cya mbere cy’urucaca kiza kwishyura na Sugira Ernest ku munota wa 68.

Muri iri tsinda rya B undi mukino wahuje ikipe ya Rutsiro FC yari yakiriye kuri Sitade Umuganda yo mu Karere ka Rubavu, uyu mukino warangiye ikipe ya Gasogi United yitwaye neza itsinda igitego kimwe ku busa cyatsinzwe na Yamini Salumu ku munota wa 23 w’umukino.

Kugeza ubu ku munsi wa gatanu muri iri tsinda ikipe ya Rayon Sports irariyoboye n’amanota 8, Kiyovu SC iri ku mwanya wa kabiri n’amanota 7 inganya na Gasogi United naho ikipe ya Rutsiro yo iri ku mwanya wa kane n’amanota 5.

Mu itsinda A , kuri uyu wa Gatanu nabwo ikipe ya APR FC yaraye itsinze ikipe ya AS Muhanga ibitego bitatu kuri kimwe, ni ibitego byatsinzwe na Manishimwe Djabel ku munota wa 27 w’umukino ndetse na Tuyisenge Jacques watsinze bibiri ku munota wa 62 ndetse na 67, kimwe cya AS Muhanga cyatsinzwe na Duru ku munota wa 32.

I Bugesera ho ikipe ya Bugesera FC ytsindaga ibitego bibiri ku busa ikipe ya Gorilla FC, ni ibitego yatsindiwe na Bacca ndetse na Rucogoza Djihad.

Kugeza ubu muri iri tsinda ikipe ya APR FC irariyoboye n’amanota 15, irakurikirwa na Gorilla FC ifite amanota icyenda, ni mu gihe Bugesera FC ifite amanota atatu ariko ikaba isigaje imikino ibiri mu gihe andi makipe yo asigaranye umukino umwe, ku mwanya wa kane hari ikipe ya AS Muhanga yo nta nota narimwe ifite ikaba igomba kurwana no kutamanuka.

Ibyo wamenya byaranze umunsi wa Gatanu wa shampiyona y’u Rwanda:

Hinjijwe ibitego 19, byatsinzwe n’abakinnyi 18,

Hatsinze abanyamahanga 5, batsinze ibitego 5,

Abanyarwanda 13 batsinze ibitego 14 harimo icyo bitsinze,

Ibitego 10 byinjiye mu gice cya mbere, 09 mu cya 2,

Habonetse Penaliti 3,
Mu mikino 8 habonetse intsinzi 7, harimo 4 z’amakipe yakiriye, 3 z’ayasohotse no kunganya 1,

Amakipe yari iwayo yinjije ibitego 11 ayari yasohotse yinjiza 8,

Jacques Tuyisenge niwe mukinnyi watsinze ibitego 2 mu mukino,

Habonetse amakarita ane (4) y’umutuku:
Dushimumugenzi Jean (Musanze FC) Osomba Olivier (Etincelles),

Aimable Nsabimana (Police FC) ,

Raphaël Osaluwe (Bugesera FC) ,

Nyuma yo gutsinda muri buri mukino, mu mikino ine yabanje Robert Saba ntiyigeze abona izamu kuri uyu munsi ,

Jacques Tuyisenge abaye umukinnyi wa 10 utsindiye APR FC kuva iyi shampiyona yatangira, APR imaze kwinjiza ibitego 14,
Umunsi wa gatanu ushize amakipe 3 (APR FC,
Marines FC & AS Kigali) zimaze kwizera kuzamuka mu 8 zihatanira igikombe,

Uyu munsi kandi usoze andi makipe 3 (AS Muhanga, Etincelles na Mukura VS) zimenye ko zizahatanira kutamanuka,

AS Muhanga ntirabona inota na rimwe ,

Houssein Shaban Tshabalala wa AS Kigali ayoboye ba Rutahizamu n’ibitego bitandatu,

Yaphes Mubiru Rutahizamu wa Sunrise yatsinze penaliti ya 3 (ibitego 3 byose amaze gutsinda ni penaliti).

2021-05-15
Ubwanditsi

IZINDI NKURU

Ni iki gishingirwaho ngo hemezwe ko abaturage b’igihugu runaka bishimye cyangwa bababaye?

Ni iki gishingirwaho ngo hemezwe ko abaturage b’igihugu runaka bishimye cyangwa bababaye?

Ubwanditsi 22 Mar 2022
“Mr Blue” nta kigira urukundo kubera ubusitari

“Mr Blue” nta kigira urukundo kubera ubusitari

Ubwanditsi 07 Jul 2016
Rutahizamu wa APR FC n’Ikipe y’Igihugu Amavubi, Byiringiro Lague arifuzwa na FC Zurich yo mu Busuwisi, biravugwa ko izamutangaho ibihumbi 265€.

Rutahizamu wa APR FC n’Ikipe y’Igihugu Amavubi, Byiringiro Lague arifuzwa na FC Zurich yo mu Busuwisi, biravugwa ko izamutangaho ibihumbi 265€.

Ubwanditsi 03 Mar 2021
Ku bwumvikane bw’impande zombi, nyuma y’iminsi 105 Umutoza Adel n’umwungirije batozaga Gasogi United  batandukanye n’iyo kipe

Ku bwumvikane bw’impande zombi, nyuma y’iminsi 105 Umutoza Adel n’umwungirije batozaga Gasogi United batandukanye n’iyo kipe

Ubwanditsi 01 Nov 2022

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Imikino y’umunsi wa gatatu wa shampiyona y’u Rwanda 2021-2022 yagombaga kubera kuri Sitade Umuganda yasubitswe, harimo uwo Etincelles yari buzakine na APR FC
Amakuru

Imikino y’umunsi wa gatatu wa shampiyona y’u Rwanda 2021-2022 yagombaga kubera kuri Sitade Umuganda yasubitswe, harimo uwo Etincelles yari buzakine na APR FC

Ubwanditsi 18 Nov 2021
Ni he umwirabura ashobora kubona umutuzo? Perezida Kagame yasubije iki kibazo
Mu Mahanga

Ni he umwirabura ashobora kubona umutuzo? Perezida Kagame yasubije iki kibazo

Ubwanditsi 03 Jun 2016
Samsung yashyize ku isoko telefoni nshya ya Galaxy Z Flip ishobora gukunjwa
IKORANABUHANGA

Samsung yashyize ku isoko telefoni nshya ya Galaxy Z Flip ishobora gukunjwa

Ubwanditsi 12 Feb 2020

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru