Mu gihe habura iminsi ine ngo ikipe y’Ingabo z’Igihugu ihure n’ikipe ya na Etoile du Sahel yo muri Tunisia mu mukino w’ijonjora rya kabiri rya CAF Champions League, iyi kipe ikomereje imyitozo kuri sitade ya Kigali iherereye i Nyamirambo mu rwego rwo kwitegura uyu mukino.
Bitenganyijwe ko umukino ubanza uzahuza aya makipe yombi zabera kuri stade ya Kigali i Nyamirambo kuwa Gatandatu tariki 16 Ukwakira 2021 bityo iyi kipe ikaba igomba gukorerea imyitozo kuri iki kibuga kugirango imenyere iki kibuga inaboneraho gufasha abakinnyi bayo guhuza umukino kuko bamwe muribo ari mu ikipe y’igihugu y’Amavubi.
Nk’uko bigaragara ku rubuga rwa Internet rwa APR FC, batangaje ko guhera kuri uy uwa Kabiri aribwo bakomereza imyitozo i Nyamirambo aho kuba gukorera i Shyorongi aho isanzwe ibarizwa.
Bagize bati “Mu rwego rwo gukomeza kwitegura neza, iyi kipe y’Ingabo z’Igihugu igiye gukomereza imyitozo yayo kuri stade ya Kigali i Nyamirambo guhera kuri uyu wa Kabiri aho bari bukore mu gitondo gusa.”
Aha kandi baboneyeho gutangazako abakinnyi babiri muribo batameze neza, bagize bati “abakinnyi bakaba bameze neza usibye myugariro Omborenga Fitina ndetse na Byiringiro Lague bombi bagire imvune mu ikipe y’igihugu.”
Biteganyijwe ko uyu mukino ubanza uzabera kuri Sitade ya Kigali kuri uyu wa gatandatu tariki ya 16 Ukwakira 2021, ni mugihe uwo kwishyura uzaba nyuma y’icyumweru kimwe ku italiki ya 23 Ukwakira 2021 ukazabera mu gihugu cya Tunisia.
