Indi mitungo y’abo kwa Rwigara igiye gutezwa cyamunara

Nyuma y’aho ikigo cy’igihugu gishinzwe kwegeranya imisoro n’amahoro, RRA giteje icyamunara amakarito y’itabi ryo mu ruganda Primier Tobacco Company rw’umuryango wo kwa Rwigara, ubu hakurikiyeho imashini zifashishwaga mu gutunganya iryo tabi.

Kuwa 28 Werurwe 2018, nibwo Umuhesha w’inkiko w’umwuga yagurishije mu cyamunara amakarito 7195 y’itabi ry’umunyemari Rwigara Assianpol kuri ubu uhagarariwe n’abo mu muryango we yasize, rikagurishwa akayabo ka miliyoni 512Frw.

Imitungo y’abo mu muryango wo kwa Rwigara iri gutezwa cyamunara kubera amadeni y’imisoro y’ibirarane agera kuri miliyari Esheshatu z’amanyarwanda, ikigo RRA kivuga ko uriya muryango ukibereyemo .

Mu itangazo rya cyamunara ryashyizwe ahagaragara kuwa 31 Gicurasi 2018, Umuhesha w’Inkiko w’umwuga,Me Habimana Vedaste akaba avuga ko ku wa mbere tariki 11 Kamena 2018 saa yine za mu gitondo hazatezwa cyamunara imashini zose zikoreshwa mu gutunganya itabi ikazabera i Gikondo aho rwubatse.