Ingabo za Uganda ziri mu butumwa bw’amahoro mu gihugu cya Somalia zirarira ayo kwarika nyuma yo kumara igihe zidahembwa.
Umudepite mu nteko nshingamategeko Kahonda yabwiye bagenzi be ko baherutse gusura izi ngabo muri Somalia hanyuma bibonera ibibazo bikomeye zifite harimo kubura umushahara mu gihe cy’amezi atatu ndetse n’ibindi bizifasha mu kazi kazo birimo amazi.
Si ukubura umushahara gusa kuko no kuva muri 2016, izo ngabo zagabanirijwe umushahara ho 20% , benshi bavuga ko bibabangamiye kandi biteza ikibazo ku miryango baba barasize mu gihugu cyabo.
Ingabo za Uganda zimaze imyaka igera kw’icumi mu butumwa bw’amahoro muri Somalia, igihugu cyashegeshwe n’ibikorwa by’ubwiyahuzi ahanini bikorwa n’umutwe w’iterabwoba Al-Shabab.
Ubwanditsi
