Umucamanza wo mu rukiko rushinzwe gusubiramo imanza mu gihugu cy’u Burundi witwa Egide Nahayo, afungiye muri Gereza ya Mpimba kuva mu byumweru bitatu bishize aho yatawe muri yombi nyuma y’inama nkuru y’ubucamanza yari iyobowe na Perezida Nkurunziza, aho bivugwa ko nyuma y’iyi nama uyu mugabo yigeze intebe ya perezida bikamubyarira ibisusa.
Inkuru dukesha urubuga Ubmnews rwo mu Burundi, ikaba yanatangajwe na Bwiza, iravuga ko Nahayo yatawe muri yombi nyuma y’amafoto ye yakwirakwijwe ku mbuga nkoranyambaga, aho agaragara yicaye mu ntebe Perezida Pierre Nkurunziza yari yicayemo ayoboye iyo nama nkuru y’ubucamanza.
Nubwo abakorana na Nahayo bemeza ifatwa n’ifungwa rye, baravuga ko yaba akurikiranweho kuba yarakwirakwije amakuru y’ibyavugiwe muri iyo nama nkuru y’ubucamanza kandi yari amabanga y’akazi.
